युद्धनिर्वहणम्
संसुरुवाच - युद्धाभियानेषु यत्र सहस्रं शीघ्ररथाः सहस्रं घनरथा लक्षं जालकवचधारिणः सैनिकाश्च सन्ति येऽर्धसहस्रकिलोमीटर्दूरमपि गन्तुमापूर्तिं धरन्ति। गृहे युद्धरङ्गे चातिथीनामातिथ्यार्थं श्लेषो वर्णलेपनमित्यादिनां लघुवस्तूनामेवं च रथानां कवचानां कृते व्ययार्थं प्रतिदिनं सहस्रशो ग्राममितरजतमावश्यकम्।लक्षस्य सैनिकानां सेनायाः सङ्घटनस्य मूल्यमिदृशमेव प्रहरणसमये विजयार्थमधिकसमयोऽपेक्ष्यते चेत् सैनिकानां शस्त्राणी मनोबलं च मन्दानि भवेयुः। पुररोधे बलं न्यूनिभवेत्। अभियानं दीर्घकालिकं भवति चेद् राष्ट्रसंसाधनानि सङ्घर्षार्थं पर्याप्तानि न स्युः। अथ यदा शस्त्राणि मनोबलं च मन्दानि भवन्ति बलं न्यूनीभवति धनं व्ययीभवति तदेतरे नायका भवद्वैषम्यस्य लाभं गृहीतुमुत्तिष्ठेयुः। तत्समये कोऽपि यः कियानपि बुद्धिमान् भवेत् स आगामिपरिणामानि वर्जयितुं न शक्नोति। तस्माद् यद्यपि युद्धे मुर्खतापूर्णातिवेगः कदाचित् श्रूयते तथाप्यतिविलम्बः कदापि न कुशलताया विषयकः। दीर्घकालिकयुद्धलाभपात्रदेशः कोऽपि नास्ति। युद्धदुष्टतायाः सम्यक् परिचयो यस्य स एव युद्धानुवर्तनार्थलाभकरविधिं सम्यगवगच्छति। युद्धविशारदः सहायस...